أنا مين من روائع الراقية دعاء حجر

 بسم الله الرحمن الرحيم

                  أنا مين. 💐💐💐💐💃 

أنا التناقض بين حاجتين ✌️💖

أنا الطيبة مالهاش حدود🌿

وأنا الشراسة لأقصي حدود.

أنا الصراحة علي طول الخط👍

وانا الكذب بس لو هتشال وأتحط.

أنا الحنية بحذافيرها 💖

والقسوة إزاي من قلبي أشيلها.

أنا الدموع لأهون سبب😭

والضحك لحد التعب.😂

أنا النقاء مالي وجداني🌺

وساعات الغيام خانق مكاني.

أنا الحزن ماله نهاية😭

و الفرح من غير غاية.

أنا الحب الصادق🌿

والكره عندي ظرف طارق.

أنا الإيمان مالي قلبي💖

والشيطان دايما مزود ذنبي.

أنا الضحكة مابتفارقني. 🤣

والتكشيرة توكيلها عندي. 😭

أنا صوت العقل تحتار فيه☝

والجنان فين أوديه.

أنا الصوت الهادي ال مش مسموع😷

والعالي ال يهد قلوع.

أنا حب بلادي في دمي🤲

ويخرب بيتها لما تزود آلمي.

أنا ولادي هما كل همي👭

وساعات مكفرين أمي.

أنا بفهم ع طول الحرف.💐 وساعات لازم🌷 مشوار

أنا أصلي عنيدة جدا💐 في رأيي والحوار.

انا ثقافة ملهاش حدود 💖

بس الحمد لله💐 راحت ومش هتعود.

أنا ذكاء موجود بالفطرة 🌿

وغباء🤔 من هنا لبكره. 

أنا الكبرياء مالهوش حدود. 💐💃

والتواضع❤️ من جدود لجدود.

أنا الجمال في شكلي مش موجود🌹

لكن بشوفه في كل الوجود.

أنا بنظرة غضب تموت. 🌚

وبنظرة رضا. علي الجنة تفوت.

أنا ملكة في الترتيب👑

وعشوائية 🌷 تودي في حديد.

أنا رأيي دايما بفرضه👍

وساعات أسكت وأخنقه.

أنا نسمة الصباح🌿

وساعات تعوز💐 تخنقها وترتاح.

أنا الطيبة من زمان عارفه مكاني 🌷

والجبروت كله عنواني.

أنا أحلام من غير حدود. 🌺

والأمل كتير🌷 ماااااااالوش وجود. 

وهي دي صفاتي 🌿

مخلوقة من رملة ومية

معجونة بشر وحنية 🌿

و مش أنا لوحدي كده🌹 أكيد كل إنسي وإنسية.🌿

لكن فينا ناس خيرها غالب

وناس بالشر مستقوية.🌿

✍️ دعاء حجر 🌹